ظہیرآباد میں ایک ضعیف خاتون سڑک حادثہ میں فوت،
ظہیرآباد 11/دسمبر2023 (WNI NEWS):ظہیر آباد ٹاؤن میں ایک سڑک حادثہ کا واقعہ پیش آیا جس میں ایک ضعیف خاتون فوت ہوگئی۔ سب انسپکٹر ظہیرآباد ٹاؤن کی اطلاع کے مطابق کل رات کے اوقات میں ایک نامعلوم خاتون، جس کی عمر تقریباً 60 سے 70 سال ہے، جب وہ اولڈ آر ٹی اے چیک پوسٹ، ظہیر آباد ٹاؤن سے بیدر کی طرف جا رہی تھی، اس وقت نامعلوم موٹر سائیکل سوار نے اسے ٹکر دی جس کے نتیجے میں اس کے سر اور پیروں پر چوٹیں آئیں۔اطلاع ملنے پر پولیس نے موقع پر پہنچ کر اسے گورنمنٹ ایریا ہسپتال ظہیر آباد ٹاؤن منتقل کر دیا جہاں علاج کے دوران وہ آج صبح انتقال کر گئی۔ لاش کو مردہ خانے میں محفوظ کردیا گیاہے ۔ متوفی خاتون کی شناخت ہو تو سب انسپکٹر ٹاؤن ظہیرآباد سیل نمبر 8712656763 پر ربط کریں۔
